Goeie werk, ek is trots op julle!

Nie net die WRK nie, maar ook die Vader wag vir ons beleidenis. Die tyd is nou of nooit. Baie dankie vir die leiding die Here seen u almal.

Ek is ‘n predikant van die Hervormde Kerk wat self dag tot dag en week na week moet worstel met die vraag – wat wil die Here deur sy Gees vir my en ook vir sy gemeente sê. Ek is teleurgesteld met die trant en wyse waarop die vyf professore hierdie baie sensitiewe en emosionele saak in ons Kerk voortydig op ‘n spits probeer dryf. Ek is nie iemand wat baie praat of skryf buite die veilige kring van my gemeente nie. Maar ek voel vandag deur die Here self gedring om iets te sê. Ek beskou dit as verdagmakery en dood gewoon ‘n leun om te beweer dat die Hervormde Kerk nie bereid is om die teologiese regverdiging van apartheid te verwerp nie. Die professore se brief kan ook buitestanders mislei om te dink dat die Kommissie van die Algemene Kerkvergadering ‘n besluit oor Apartheid namens die Hervormde Kerk kan neem. (Sien reaksie van Etienne Britz.) Daarom beskou ek hulle verklaring as in stryd met die kernwaarhede van die evangelie van ons Here, Jesus Christus. Die Hervormde Kerk is besig met ‘n proses om by ‘n eerlike antwoord oor die kwessie van Apartheid uit te kom. Dit is baie duidelik dat selfs lidmate in die Hervormde Kerk nie almal dieselfde definisie aan Apartheid heg nie. Wat is die Apartheid wat onevangelies is, wat “sowel in uitwerking as in wese sonde is”? Dit is waar ons almal sal moet begin. Wie se definisie is korrek? Die definisie wat die mense wat dit uitgedink het daaraan gegee het of die definisie wat deur die teenstanders van Apartheid daaraan gegee is. Die vier “eienskappe” wat die professore uitlig is ‘n herhaling van standpunte wat baie Hervormde lidmate as eensydige propaganda en dood gewoon onwaarhede beskou. Die meeste Hervormde lidmate verafsku skynheiligheid. Dit is myns insiens een van die kenmerkendste eienskappe van ons spiritualiteit. Ons sal nie iets sê, net omdat ander mense wil hoor dat ons dit sê nie. Ons wil met eerlikheid en oortuiging praat. Daarom dink ons soms tyd neem voordat ons ‘n besluit neem. Ek vra dat die professore die beproefde pad van liefde, geduld en verdraagsaamheid sal loop en hulle insette lewer waar dit kan help om by die beste weergawe van die waarheid uit te kom. Ten slotte wil ek ook ‘n voorstel maak vir die Algemene Kerkvergadering. Laat ons ‘n besluit neem – Die Hervormde Kerk verwerp alle politieke stelsels as onevangelies, sowel in uitwerking as in wese sonde. Hierby word ingesluit: Apartheid, Kommunisme, Sosialisme, Kapitalisme, Demokrasie en Outokrasie.

PERSPEKTIEF OP DIE VERKLARING VAN ‘N PAAR (VERLINKSE) HERVORMDE TEOLOË. Die artikel en antwoord daarop word op SEGE se webwerf geplaas. Normaalweg wil SEGE nie in kerksake betrokke raak nie, maar die berig in Beeld raak nie net die NHKA se lidmate nie; dit is ‘n aanklag teen die hele Afrikanervolk en sy verlede. Dit, wat ons al ‘n geruime tyd gelede verwag het, het toe op 12 Maart 2009 gebeur. Die linkse aanslag teen die Nederduisch Hervormde Kerk van Afrika (NHKA) het na die voorlaaste Algemene Kerkvergadering begin. Daar was in stille voorbereiding gereed gekry met die oog op die Algemene Kerkvergadering (AKV) van 2007, wat dan op kort kennisgewing bekend gemaak sou word om voordeel uit die verrassingselement te trek. Gelukkig het die inligting begin uitlek en die voorstel dat die kerk sy kerkorde moes verander en met die swart Engelssprekende Maranata Reformed Christian Church moet verenig, soos geëis deur die World Alliance of Reformed Churches (WARC), kon toe nie slaag nie. WARC het geëis dat die kerk moes deformeer om die woord “volk” uit die kerkorde te verwyder. Die WARC het dit gedoen sonder dat hulle verstaan wat die woord “volk” beteken, want hulle taal (Engels) bevat nie so ‘n woord nie; verder het die NHKA se verteenwoordigers dit nie die moeite werd geag om dit aan hulle te verduidelik nie. Die linkse teoloë wat wil keer dat “die klippe nie uitroep nie”, is hoofsaaklik by die gedeformeerde Universiteit van Pretoria werksaam (soos wat hulle e-pos adresse aandui) om NHKA se predikante op te lei. (Die NHKA as volk- en behoudende kerk is vir hulle ‘n verleentheid en moet ten alle koste “gedeformeer” word). Dit is onder hulle hulp dat daar nou hergroepeer word vir hulle nuwe offensief teen die kerk in volksverband. Hulle gebruik die verlinkse koerant Beeld van die Kaapse Nasionale Pers groep as hulle spreekbuis (hierdie vreemde alliansie met die verwêreldse koerantgroep bestaan al vir jare). Dié koerant, wat hulle as spreekbuis gebruik om met medelidmate te kommunikeer en van hulle standpunte te oortuig, is deel van die persgroep wat vir Deon Maas as ‘n artikelskrywer gebruik het totdat die openbare mening van Christen Afrikaners teen sy artikels Rapport gedwing het om sy bydraes op te sê. Beeld (15 November 2007) berig hieroor soos volg: “Maas sê hierin hy is nie ‘n aanhanger van georganiseerde geloof nie, maar satanisme is ‘n ‘godsdiens wat die reg het om beoefen te word’”. ‘n Artikel van hom agt dae tevore se opskrif was “666 is net ‘n syfer”. Voordat ons na die biegbelydenis van die geleerde teoloë kyk is dit nodig om te reageer op die gesegde : “Aan jou vriende sal jy geken word” en daarmee saam waaroor daar nie bely word nie. Hierby is dit ook belangrik om na WARC te verwys wat met reg as ‘n simpatiseerder oor die jare van die ANC-S.A. Kommunistiese Party alliansie beskou kan word. Die alliansie met WARC toon die volgende persone in hulle midde: Allan Boesak, sy verlede is aan ons almal bekend. Verdere inligting is: Bestuurslid van WARC – vanaf die 1980’s. Lid van Sinodale Kommissie van die Verenigende NG Kerk. Lid van die topbestuur van die ANC in die Weskaap – tans premierskandidaat van COPE. Boesemvriend van prof. Johan Buitendag. Desmond Tutu Voorsitter van die sogenaamde “Waarheid en Versoeningskommissie”. (Ons weet dat dit onder sy leiding alles behalwe die waarheid en net so min versoening verteenwoordig en ewe min versoening gehandhaaf het. Daar was grootskaalse bevoordeling van ANC lede) Daar is ook nog ander ANC aktiewe politici tussen die “broeders”. Terwyl die apartheid sogenaamd “mensonterend en boos” is, swyg ons akademiese teoloë oor die veel groter “mensonterende en bose” orde wat na apartheid geskep is en wat deur WARC onderskryf en geduld word; soms nie te stilswygend nie. Die moord op meer as twintigduisend Afrikaners deur swartes wat in die eerste vyftien jaar vanaf 1994 plaasvind, word met stilswye in die alliansie aanskou. Dit is minstens vyf keer meer as die hoeveelheid swartes wat die afgelope vyftig jaar onder apartheid se handhawing gesterf het. Word die moord op ongeveer 250 000 swartes sedert 1994 deur medeswartes onder die ANC regime deur die geleerde teoloë as mensonterend beskou? Indien wel waarom so stil? Die swartes se algemene lewensstandaard het onder apartheid dramaties gestyg; meer as seshonderd duisend Afrikaners is tans armblankes met baie in plakkerskampe (30 in Pretoria alleen). Apartheid het vir elke swart volk vryheid aangebied; die Afrikaner word dit onder ANC-WARC misgun. Nog vele ander voordele was aan swartes gebied soos hoë gehalte mediese dienste. Lees gerus weer Matteus 7:15-20 : “.. pas op vir vals profete. Hulle kom na julle toe in skaapsklere, maar in werklikheid is hulle verskeurende wolwe. Aan hulle vrugte sal julle hulle ken. Kry ‘n mens dan druiwe aan doringstruike of vye aan dissels?” Die Belydenis in Nasionale Pers se koerant Beeld Die eerste paragraaf se eerste sin begin met “’n Oomblik van waarheid word ongevraagd deur die Heilige Gees in gelowiges se harte gelê.” Ons weet dat die WAARHEID onafskeibaar is van die Heilige Gees. Waarom word die waarheid dan verswyg oor die baie positiewe dinge wat apartheid aan die swartes gebied het. Waarom die doodswyg van die huidige ANC bedeling en die WARC se stilswye, terwyl daar WARC lede was wat dade van terrorisme gepleeg het teen onskuldige lede van die publiek ten tye van apartheid. Dit laat die vraag ontstaan of daar nie eerder geluister is na die eie inbeelding nie! In die 5de reël staan: “as ons stilbly, sal die klippe uitroep”. Waarom bly ons beswaarde teoloë dan stil oor dit wat hierbo genoem was? Hy wat die WAARHEID (of ‘n gedeelte daarvan) verswyg, bevorder die leuen. Reël 16 : “ … op ‘n beweerde ongelykheid tussen mense … “. Ons antwoord: Hy wat beweer dat alle mense gelyk is, ontken die werklikheid. Elkeen wat op straat staan en kyk na die mense wat verbyloop weet dat alle mense nie gelyk is nie. Dit is ‘n tipiese voorbeeld van die halwe waarheid. Apartheid gaan van die uitgangspunt oor die eiesoortigheid of andersheid van elke mens en volk. Sonder om ‘n eie waarde-oordeel daaraan te heg. Die gebruik van die woord het niks met gelykheid te make nie – maar sonder gelykheid kan die valse bewering nie slaap nie. Die vraag ontstaan waarom hierdie geleerde teoloë in die jaar 2009, meer as 40 jaar na die moord op dr. Verwoerd en die opheffing van apartheid, nog steeds die moeë perd opsaal. Gaan dit regtig oor die “sonde” van apartheid, of is apartheid ‘n sweep om die Afrikanervolk te laat buig in ‘n kommunisties beheerde oligargie. Die geleerde teoloë het ongelukkig nie deeglike en kontroleerbare navorsing gedoen oor die onderwerp waaroor hulle wil bieg en ‘n mening wil gee nie. In 1950 het dr. Verwoerd al gestel dat “beide bevolkingsgroepe, wit en swart, ‘n plan moet vind wat beide kanse tot volle ontwikkeling van kragte en ambisies kan verskaf sonder dat dit in botsing kom. Die enigste moontlike uitweg is … dat albei ‘n ontwikkeling aanvaar geskei van mekaar. Dit is al wat die woord apartheid beteken.” Hoe reg was hy nie as ons vandag kyk na die mensonterende toestand rondom ons en veral binne ons eie volk nie. Dit is slegs die wat hulle blind hou vir die waarheid wat dit kan miskyk. Reël 21, 23 en 30 : “.. dit eksklusiewe voordele aan wit mense ten koste van swart mense gegee het”. “As mense wat voordeel getrek het uit onregverdige strukture aanvaar ons mede-verantwoordelikheid vir die trauma wat ander gely het. Die evangelie dring ons om nie daaraan mee te werk nie.” Ons antwoord: Blankes het slegs binne hulle eie gebiede voordeel getrek. Binne swart gebiede was voordele ten koste van blankes. Dit is dan ook nie te verbase dat daar na 1994 ‘n doelbewuste poging deur regeringsinstansies aangewend was om die inligting oor die bydraes deur apartheid tot voordeel van die land se swartes te verwyder nie (PH du Preez, APARTHEID: MISDAAD OF WELDAAD?; PH du Preez 2007), want die leuen kan nie saam met die waarheid in die daglig bestaan nie. Wat die “onregverdige strukture” aanbetref vertrou ons maar net dat ons geleerde vriende bewus sal word van die onregverdige strukture waaroor verskeie ANC politici al gesê het dat dit nooit verwyder sal word nie. Ons noem dit Affirmitive Action en sogenaamd Swart Ekonomiese Bemagtiging. “.. gedwonge menseverskuiwings, wat die lewe van miljoene mense verwoes het”. ‘n Aansienlike deel van die Afrikaner sal vandag wat wou gee om “verskuif” te word met al die finansiële ondersteuning soos onder apartheid. Dan kan hulle ‘n nuwe begin maak, hulle kinders en geliefdes uit die buiteland terugkry en die lewens van geliefdes (wat nog oor is) behou. Ons versoek die geleerde teoloë om ruimte aan hierdie waarheid te gee. Reël 33-37 : “Eenheid en verskeidenheid in Christus” Ons antwoord: Allereers moet duidelikheid verkry word oor die begrip “eenheid in Christus”. Eenheid in Christus as Bybelse begrip is gelyk aan een in geloof in die een Christus, die gekruisigde en opgestane Seun van God, die beloofde Messias van God. Dit beteken dat dit nie eers fisies demonstreerbaar hoef te wees nie, want daardie eenheid is. Die Skrif leer nêrens ‘n wêreldwye wêreldkerk waarin al die nasies moet verdwyn nie. Die “New Age” denke eis dit wel. Die probleem bestaan dat ons geleerde teoloë met ‘n ideologiese eenheidsbegrip werk, soos byvoorbeeld dié van Adolf Hitler wat sy ryk gebou het op die slagspreek: “Ein Volk, Ein Reich, Ein Fuhrer”. Netso min as daar ruimte was vir verskeidenheid by Hitler, netso min word verskeidenheid nou ruimte gegun deur die geleerde teoloë. As daar ruimte vir verskeidenheid in hulle denke is, waarom word daar nie ‘n beskeie ruimtetjie oopgelaat vir die vertrapte en verdrukte sondaar Afrikaner, wat nie eens sy eie taal in sy eie vaderland mag praat nie. Volk en kultuur trek tog betreklike grense wat egter nié die eenheid in die geloof kan versteur nie. Die verskeidenheid word juis deur ons geleerde teoloë negeer. Dit is wat die ANC regime ook doen en dit vorm die kern van haas elke ander probleem waaronder ons land vandag ly. Reël 38:42 : “Ons doen dit deur mede-gelowiges se onderskeie kulture te respekteer, na mekaar te luister … “ Ons antwoord: Dit wat hier genoem word het meer tot sy reg gekom onder apartheid as teenoor dit wat vandag die geval is. Die Afrikaner se kultuur word vandag vertrap en vernietig. Asseblief, hou op om gedeeltes van die WAARHEID te verswyg, want dit bevorder die leuen! Reël 51 : Onder die opskrif: “Die Uitnodiging”. “’n Mens voel alleen en magteloos wanneer die lig van die evangelie dof om jou geword het.” Ons antwoord: As mens die “Uitnodiging” van die geleerde teoloë lees, dan wek dit tog ‘n bekommernis en vra ‘n woord van vermaning. ● Eerstens is die formulering van so ‘n aard dat dit die indruk skep dat mense gewerf word om saam op te ruk om die “verdwaalde Hervormde Kerk” uitmekaar te skeur. ● Ten tweede trek hierdie oproep ‘n groot vraagteken oor die geleerde teoloë se erns met die begrip eenheid in die kerk. ● Ten derde is dit ‘n oop vraag of die versamelde steun van die geleerde teoloë as stem van die kerk aangebied kan word. Dáárdie steun het ons gehoor by die Algemene Kerkvergadering van die NHKA van 2007, toe aansluiting by die WARC afgewys is. Laat ons afsluit deur saam te vat dat ons moet terugkeer na die WAARHEID en niks minder as die WAARHEID nie. Ons herken hierdie verklaring in Beeld as die voortsetting van die aanslag teen die NHKA en teen ons ouers en voorouers en behoudende lidmate in die NHKA wat maar net rustig met hulle geloofslewe wil voortgaan tot eer van hulle Skepper, ten spyte van alles wat in hulle weg gelê word. Ons weet dat die linkse alliansie van teoloë nie sal rus voordat die kerk vernietig is in die proses om te verwêrelds nie. Waarom verlaat hierdie teoloë nie die NHKA nie, daar is vir hulle ‘n tuiste in die NG Kerk, wat presies soos hulle voel en wat gehelp het om apartheid met die huidige regime van ongeregtigheid te vervang. Daar is baie onder hulle wat nou ontnugter is en daar kan dan sommer eerstehands van hulle geleer word wat verkeerd gegaan het. Dit is die eerbare weg om die kerk te verlaat en nie om dit te vernietig deur dit te verdeel nie; of sit daar meer hieragter? Moet ons nie verkwalik dat ons maar baie skepties hierdie dinge gadeslaan nie. Dit is so oud soos die mensdom en dit wat in die plek daarvan kom nadat dit klaar vernietig is, is gewoonlik veel slegter as dit wat voorheen bestaan het. Die vraag kom na vore of die NHKA se bates, wat deur die volk, wat nou aangeval word, opgebou is en wat die “bekeerde” teoloë nou wil vernietig met kerklike verdeeldheid dalk nie met gretige oë ingewag word deur die WARC vir herverdeling nie. Die Nuwe Kriminele Suid-Afrika met sy WARC ondersteuning is ‘n sprekende voorbeeld hiervan. Hiermee ‘n uitdaging aan die geleerde teoloë na aanleiding van die ryk jongman in Matteus 19:21 : Jesus het hom geantwoord: “As jy volmaak wil wees, gaan verkoop jou besittings en gee dit vir die armes, en jy sal ‘n skat in die hemel hê. Kom dan terug en volg My.” Ons vermoed dat so ‘n edele daad deur die geleerde teoloë nie vir die verarmde lidmate van die NHKA of die armblankes van ons volk sal wees nie, maar hulle kan dit dan minstens doen ter wille van dié mense oor wie hulle so hard op hulle eie kerk en volk is. R Buitendach 12 Maart 2009 http://www.sege.co.za/Spesiaal.htm

Puik gestel!!

Ek voeg graag my stem by die verklaring van die vyf teoloë van die Hervormde Kerk. Ons kan nou maar rasionaliseer soos ons wil, maar apartheid het mense se waarde aangetas en dit is tyd dat die Kerk hom daaroor uitspreek en hom daarvan losmaak, sodat ons kan aangaan met dit waarvoor ons hier is: om die evangelie van Christus aan alle mense te verkondig en die liefde van God aan alle mense te wys. Baie dankie aan die vyf teoloë wat die moed van hulle oortuiging gehad het om te sê: "Ons kan nie 'n dag langer hiermee saamleef nie!"

Ek voeg hier die brief wat ek aan die 5 teoloë gestuur het: My hart het gejuig toe ek die berig van die vyf Hervormde teoloë gelees het. Julle was gehoorsaam aan die stem van die Heilige Gees en daarvoor is ek baie dankbaar. Ek het die volledige verklaring gelees en kan heelhartig daarmee saamgaan. Julle het verwoord wat nie net in my hart leef nie, maar ook in die harte van ’n al hoe groter wordende getuienis in die Hervormde Kerk. As dit nie die werking van die Heilige Gees is nie, dan weet ek nie! Ek aanvaar dat julle ook verguis gaan word oor die geloofstap wat julle geneem het. Maar weet dat ek en Erna vir julle bid en dat God julle sal sterk maak. Ek het jare gelede my teenstem saam met prof. Loader laat aanteken toe die kerk nie bereid was om art. 3 af te skaf nie. En nou wil ek my stem voeg tot hierdie verklaring. Rudi en Erna Rust van die Nederduitsch Hervormde gemeente Vanderbijlpark-Suid

Baie dankie, Andries en kollegas, vir jul onuitputlike werk en visie om die boodskap van liefde (die alles oorwegende boodskap) uit te dra. Ek bid dat daar 'n dag sal kom dat ons as Christene in hierdie land sal practice-what-we-preach.

'n Boom word aan sy vrugte geken. Hoekom skryf Buitendag nie 'n tirade oor humanisme en kommunisme nie? Hoe is dit moontlik dat mense in 2010 nog die werklikheid so verkeerd kan lees? Miskien moet die land (en kerk) eers heeltemal ten gronde gaan voordat sommige liberales sal verstaan. Genugtig!

Graag wil ek nou weet,as ek my seun of dogter laat trou met 'n boerseun of boeremeisie is dit nie ook apartheid nie?Miskien sit ons die pot iewers mis met woordkeuses.Groetnis