TEO Webdiens van die Fakulteit Teologie van die Universiteit van Pretoria - Artikels - @ die Fakulteit

OPENING FAKULTEIT TEOLOGIE EN TEOLOGIESE DAG

no@spam.com (Flip du Toit) — Thu, 10 Feb 2011 02:00:00 PST

Die opening van die Fakulteit vind op 14 Febr om 08:30 plaas. Daar is ‘n erediens gelei deur die Dekaan, prof Johan Buitendag. Hierna hou die NG Kerk sy teologiese dag. Vanjaar is dit 25 jaar sedert Kerk en Samelewing verskyn het. Tema vanjaar: Kerk en Samelewing in die 21e eeu. Sprekers by die geleentheid is mnr Leon Wessels (Oud minister en skrywer van Vereeniging: die onvoltooide vrede) asook dr Kobus Gerber, Algemene Sekretaris van die NG Kerk.

Uitnodiging na konferensie oor 'Geweld in die Demokratiese Suid-Afrika: 'n Uitdaging vir die teologie en die kerke.'

no@spam.com (Etienne de Villiers) — Mon, 19 Jul 2010 06:30:00 PDT

Die hoë voorkoms van geweld in die huidige demokratiese Suid-Afrikaanse samelewing stel nie net aan die regering nie, maar ook aan die teologie en die kerke ‘n besondere uitdaging. Wat ons nou nodig het is heldere teologiese denke oor dié geweld en sinvolle leiding deur die kerke oor hoe dit hanteer moet word.

Videokonferensie: UP/Essen 2010 – Sokker!

no@spam.com (Gerda de Villiers) — Thu, 08 Jul 2010 05:30:00 PDT

Op Dinsdag 6 Julie het die vierde video-konferensie tussen die Universiteit van Pretoria en die Universiteit van Essen plaasgevind. Onder leiding van proff Dirk Human van UP en Aaron Schart van Essen, ontmoet groepe studente via ‘n video-kamera om gesprek te voer en om iets van mekaar se leefwêreld te wete te kom. Alhoewel die onderwerpe meestal teologiese en religieuse aangeleenthede raak, is daar gewoonlik algemene vrae: die Duitse studente stel veral belang in die kultuur en die wêreld van Afrika, en daarom word veral ons Afrika-studente by hierdie geleentheid betrek.

Sentrum vir Kontekstuele Bediening, Fakulteit Teologie, Universiteit van Pretoria

no@spam.com (Gerda de Villiers) — Sun, 02 May 2010 13:00:00 PDT

Jy word vriendelik uitgenooi na ons volgende geleenthede/kursusse vir voortgesette bedieningsontwikkeling. Vir detail kan jy die betrokke kursus op die webbladsy van die Sentrum vir Kontekstuele Bediening (www.ccm.up.ac.za) oproep by Afrikaans 'akademiese programme'.

Dekaan van die Fakulteit Teologie, Universiteit van Pretoria: Prof Johan Buitendag

no@spam.com (Johan Buitendag) — Fri, 12 Mar 2010 01:00:00 PST

Prof Johan Buitendag is die nuwe Dekaan van die Fakulteit Teologie, Universiteit Pretoria. Ons stel hom graag self aan die woord.

Huldeblyk aan prof. P.J. van der Merwe met sy emiritaat

no@spam.com (Alphonso Groenewald) — Thu, 11 Feb 2010 12:30:00 PST

Opgedra aan prof. dr. P.J. van der Merwe bygeleentheid van aanvaarding van emeritaat 31 Desember 2009. Dit is vir die redaksie ’n voorreg en eer om hierdie uitgawe van die HTS Teologiese Studies aan sy langsdienende lid, Pieter Johannes van der Merwe, op te dra. Hy tree op 31 Desember 2009 by die Universiteit van Pretoria af in die posisie van Professor en Hoof van die Departement Godsdiens-en Sendingwetenskap in die Fakulteit Teologie. ’n Posisie wat hy sedert 1979 in Afdeling A van die destydse Fakulteit en sedert 1 Januarie 2000 in die gesamentlike Fakulteit beklee het.

Aftrede mev Adri Goosen: HTS Publikasie koordineerder

no@spam.com (Alphonso Groenewald) — Thu, 11 Feb 2010 12:00:00 PST

Mev Adri Goosen vertel self van haar jare diens by die HTS-tydskrif en hulde word aan haar gebring.

Teologiese dag van die Fakulteit Teologie, Universiteit van Pretoria

no@spam.com (Gerda de Villiers) — Wed, 27 Jan 2010 21:00:00 PST

Kennisgewing van die Fakulteitsopening van die NHKA en die NG Kerk by UP, Dinsdag 2 Februarie 2010.

Apartheid in Kerk en in Politiek

no@spam.com (Johan Buitendag) — Thu, 12 Mar 2009 05:30:00 PDT

’n Oomblik van waarheid word ongevraagd deur die Heilige Gees in gelowiges se harte gelê. Dit gebeur wanneer die appèl van die evangelie onweerstaanbaar op die kind van die Here inwerk. As predikante en teoloë van die NHKA het daardie oomblik vir ons aangebreek. Ons kan nie anders nie. As ons stilbly, sal die klippe uitroep. Ons is saam met baie ander seer oor wat in die Hervormde Kerk gebeur het en is skaam voor God. Hierdie seer kom ‘n lang pad.

HTS gaan aanlyn

no@spam.com (Gerda de Villiers) — Thu, 05 Mar 2009 14:00:00 PST

Op 2 Maart 2009 het HTS die wêreld van papier verlaat en die virtuele ruimte ingevaar. Anders gestel, HTS het aanlyn gegaan. Hierdie lansering het plaasgevind by die UP senaatsaal waar prof Johan Buitendag, ook die voorsitter van die HTS-redaksie, as gasheer opgetree het. Heel gepas was sy ‘powerpoint’-aanbieding getitel: Die reis van die HTS Teologiese Studies.